SANTAI NGINUM PATANG

Berjumpa lagi dalam “Santai Nginum Patang” Kita sambil makan “Pais Pisang” (Balabat Pisang) Tajuk caritak kok patang nih “Makacil Garing”

Makkacil ni baumur lah jua hudah kira-kira 60an tahun, sabulanan dah sidin garing kadak sigar-sigar jua lagi, baucap gin kada tapi kawak makan kada tapi baliur , maklum garing........ Orang bailangan bilang kada bahabisan harik-harik ada hajak nang datang.Satiap nang datang tuk ada hajak nasihat, ada nang manyuruh bataubat, mambuang sakak-sakak, macam-macamai lagi.

Arinik ada kamanakan sidin nang panuhaknyak datang bailang, bila mandangar kamanakan datang mailangngik sidin basadinan duduk pinda sigar hak. Jadi kamanakan tadik batakunnai macam-macam ,

Labih kurang kainik lah tpandiran nyak

Kamanakan :Kaya apak makkacil ada juakah asa sigar? ujar nyak batakun.

Makkacil :Ada ai saikit-ikit.

Kamanakan :Sabarai hajak lah makkacil

Makkacil :Aku sabar hajak

Kamanakan :Dibawak “bazikir-zikir” rai makcillai,

Makkacil :“Qulhuallah huahad” ujar sidin, nah ujar kamanakan saja bangat jua ai nih. Sampai kada bisak lagik bazikir “(Beristikfar)”.

Atas kahandak yang Esa makkacil maninggal dunia beberapa hari kamudian itu. Handak jadi caritak pada ari maniga hari sidin (tahlil aruwah makkacil) sidin bulik karumah bah tumbar orang kampong nang ada dirumah sidin malam tuk. Jadi ada saorang anaknya nang batakun kanapak mak maka bulik pulang panat kami balum habis lagi manyahan masa maatar arituh udah bulik pulang lih ujar anaknyak........

Kalinyak sidin mayahuti,

Makkacil :Akok nik bulik handak maambil tapih batik kok ,

Anak :Tapih nang manak?

Makkacil :Tapih nang balipat dilamarik tu han......

Anak :Umak kadak buleh pakai tapih batik lagi.....

Makkacil :Nang inik putih hajak kadak baik....

Anak :Kadak bulehhh mak ai....sambil mamujuk

Makkacil :Anu nakkai kada igat menjawapik soalan malaikat....

Anak :Kanapak maka kada kitap nang diambil?

Makkaci :kadak nakkai hudah umak tulisik jawapan nya di tapih batik tuk.

Anak :Dimanak umak tahuk jawapannya

Makkacil :Arituh masa umak mendangar caramah ustaz han.

Antara pengajaran nang kita dapat ia lah belajar lah ilmu agama dengan betul dan pahamilah,amun kada faham batakun, jadi kadak lah jadi macam makkacil........

Caritak ni kada-dak sangkut anu sasiapak nak hudah matik-matik wan nang magun hidup. Minggu hadap kita simbang sambil “Santai Nginum Patang”.